Горда мајка: Шакира возбудено им аплаудираше на двете деца кои снимија заедничко музичко видео
Шакира неизмерно се гордее со своите деца.
48-годишната музичарка, 12-годишниот Милан и 10-годишниот Саша присуствуваа на настан во Мајами организиран од музичката академија „Let It Beat“. Двете момчиња за првпат го претставија нивниот заеднички музички спот за песната „The One“, а Шакира гордо им аплаудираше.
„Еден од најемотивните моменти беше кога Шакира им аплаудираше на нејзините деца Милан и Саша, кои премиерно го покажаа видезаписот и блеснаа на сцената со слаткиот и магнетски глас. Сите беа изненадени од нивната артистичка зрелост на толку млада возраст“ – стои во описот на видеото од настанот.
На музичкиот хепенинг, млади ѕвезди на возраст од 10 до 20 години ги презентираа нивните песни од албумот „All For You“.
Шакира ги доби Милан и Саша додека беше во врска со поранешниот фудбалер Жерар Пике. Тие се разделија во јуни 2022 година по неговото неверство со Клара Чиа Марти.
