Големо семејство: „Марибел“ од серијата „Руби“ во слатка фотосесија со сопругот и петте мали ќерки
Жаклин Бракамонтес и Мартин Фуентес со своите деца снимија семејна фотосесија за мексиканското списание „Caras“.
39-годишната актерка, која кај нас се прослави со улогата на Марибел во теленовелата „Руби“, позираше со сопругот Мартин и петте ќеркички во хотелот „Rodavento“ во Вале де Браво. На фотографиите, Жаклин е облечена во бели креации.
Видео
Џеки ги роди малите близначки Емилија и Паула во декември минатата година, а слободно може да се каже дека изгледа неверојатно. Кратко по породувањето, таа сними нежна фотосесија со новородените близначки и трите поголеми ќерки.
Таа носеше близнаци и во првата бременост – момче и девојче, кои се родија во март 2013 година, но за жал момчето почина кратко по раѓањето поради компликации со респираторниот систем. Во јули 2014 година, Џеки роди ќерка која го доби името Каролина, а во 2016 година се роди и четвртото дете на парот – Рената.
Жаклин и Мартин стапија во брак во 2011 година. Тие постојано им дозволуваат на нивните фанови да „ѕиркаат“ во нивниот живот преку социјалните мрежи.
