Актерката Жаклин Бракамонтес, која влезе во улогата на Марибел во хит серијата „Руби“, стана мајка на пет деца. Шармантната телевизиска ѕвезда роди близначиња и ги претстави пред светот преку фотосесија за списанието Hola.
На фотографиите, Жаклин позира со новородените бебенца, кои ги добија имињата Емилија и Паула, трите поголеми ќеркички и нејзиниот сопруг Мартин Фуентес.
Жаклин стапи во брак со бизнисменот Мартин Фуентес во 2011 година. Во 2013 година, таа роди близначиња, момче и девојче, но за жал, момчето почина како последица на респираторни компликации. Во 2014 година, парот се израдува на раѓањето на нивната втора ќеркичка Каролина, а во 2016 година, на овој свет дојде и нивната трета ќерка Рената.
Пред да стане актерка, Жаклин пливаше во водите на модната индустрија. Таа ја освои титулата Мис на Мексико во 2001 година и ја претставуваше својата татковина на Мис Универзум.
Потсетете се како изгледаше Жаклин во серијата како скромната девојка која стана жртва на сплетките на Руби.
