Ѓоковиќ во првиот ред на претстава кај Милош Биковиќ: „Секоја средба со тебе збогатува и инспирира“
Новак Ѓоковиќ беше специјален гостин на претставата „Prljave ruke“ во Тиват и се сретна со актерот Милош Биковиќ.
Српскиот тенисер заедно со сопругата Јелена ја проследија театарската изведба во Центарот за култура, создадена според делото на Жан Пол Сартр, а во режија на Југ Радивојевиќ.
„Мислам дека претставата беше фантастична, а глумците генијални. Јас сето тоа го набљудував од спортска перспектива, низ концентрација, присутност, интеракција со публиката... Многу го сакам театарот, навистина уживавме“ – изјави Ноле по завршувањето на настанот.
Меѓу актерите кои добија стоечки овации и неколкуминутен громогласен аплауз, беше и Милош, кој на социјалните мрежи објави заедничка фотографија со Ѓоковиќ и напиша:
„Твојата скромност сведочи за величината, а твојата едноставност за мудроста. Секоја средба со тебе збогатува и инспирира.“
Благодарност за посетата пред заминувањето во САД, испрати и директорот на центарот за култура, Горан Божовиќ, кој седеше во првите редови до популарниот спортист.
„Синоќа по повод играњето на претставата ‘Prljave ruke’, имавме чест да го угостиме најдобриот спортист на сите времиња Новак Ѓоковиќ“- напиша тој и објави албум со фотографии од вечерта.
