Дедо Влада Стевановиќ е вистинска инспирација и за помладата и за постарата генерација.
89-годишниот Србин оваа година го истрча Белградскиот полумаратон, докажувајќи дека годините се само обична бројка. Стевановиќ бил учесник на стотици маратони, полумаратони и трки низ Србија.
Неуморниот маратонец започнал да се занимава со трчање на 55-годишна возраст, во 1989 година, и нема намера да се откаже. Иако има пејсмејкер и спондилоза, Влада ги поместува границите во спортскиот свет и докажува дека ако се сака, сè се може.
„Имав 55 години кога беше вториот Белградски маратон и на ТВ видов натпреварувачка од 76 години. Репортерот ја праша дали ќе може да истрча, а таа му рече: ‘Јас ќе истрчам 5 километри, па дури и да ме носат’. Си помислив: ‘Кога може таа, можам и јас’. Зедов патики и отидов да ја истрчам Трката на задоволството. Претходно никогаш не сум се занимавал со никаков спорт. Истрчав и ми се допадна, па еве, поминаа веќе 30 години“ – рекол Влада, кој на сите им препорачува да се занимаваат со физичка активност.
