Милена Радуловиќ беше вистинска ѕвезда на 31-вото издание на Сараевскиот филмски фестивал.
Иако заврна пороен дожд додека 30-годишната српската актерка чекореше на црвениот тепих, таа не дозволи тоа да ѝ влијае на расположението. Милена се појави со широка насмевка и беспрекорен стил, оставајќи силен впечаток кај присутните.
Младата актерка блесна во елегантна долга розова тоалета од Kaftan Studio. Фустанот беше надополнет со бела наметка со сребрени детали, сребрен накит, суптилна шминка и фризура пунџа.
По престојот во главниот град на Босна и Херцеговина, Милена на својот Instagram профил ги сподели впечатоците, истакнувајќи ја топлината и љубовта кои ги почувствувала таму.
„Нема град во којшто срцето е потопло, а љубовта е поголема отколку во Сараево. Овој пат, животот ми го разубави Kaftan Studio, затоа што не се работи само за оваа прекрасна тоалета, шминката и фризурата, туку тоа беше вистински терапевтски третман, семејна непосредност, прегратка, смеа… Душата ми е полна со радост и благодарност. Мислам дека ова е само почеток. Ви благодарам“ – напиша таа.
ФОТО: Instagram / Kaftan Studio, Miléna Radulovic