Освен со добрата игра, Новак Ѓоковиќ вчера на Вимблдон мамеше насмевки и аплаузи и со мала шега.
За време на паузата на мечот против Стефанос Циципас, српскиот тенисер побара асистентка да му помогне да скрати лента кај рамото. Кога таа внимателно ја отсекуваше, тој скокна глумејќи дека го повреди.
Девојката се преплаши пред тој да ѝ изгестикулира дека се шегува, по што следуваа насмевки и од неа и од него, а и од коментаторите и публиката.
„Стефанос отиде да се пресоблече, па имав малку слободно време“, изјави Новак по мечот низ смеа и се извини ако случајно ја исплашил.