Перо Антиќ допре до илјадници срца со видео во кое го испраќа на полуматурата синот на прерано починатиот Владимир Блажев-Панчо. Со гест кој мами солзи и буди длабока почит, поранешниот кошаркар барем за миг исполни дел од празнината која ниту времето не може да ја избрише.
Во краткото видео, Антиќ ја држи вратата од својот автомобил отворена, за да влезе младиот Андреја пред да отиде да слави со врсниците.
„Среќна матура, лепотану“ – напиша тој во кратка порака.
Антиќ и Панчо долги години негуваа искрено пријателство и беа во комуникација во месеците по пожарот во „Пулс“ пред трагичната смрт на славниот музичар во октомври минатата година.
Пред две години, Панчо му честиташе роденден на Андреја со емотивна порака:
Пред точно 13 години, кога дечково дојде на овој свет, беше денот кога сфатив што значи безусловна љубов и одговорност.🥰
Ти ги посакувам сите убавини на светот
и здравје пред сè.❤️Полека созреваш, па сакав да ти кажам некој совет кој ми лежи на душава, а мене никогаш немало кој да ми го каже. Сè што сакам е да си многу подобра верзија од мене. Биди човек кои ќе дели љубов и ќе ги сака луѓето.
Патот кој допрва треба да го одиш нема да е нималку лесен, но затоа биди храбар, крени ја главата горе, држи го цврсто гардот и издржувај ги сите удари кои животот ќе ти ги сервира.
Јас секогаш ќе бидам тука за тебе,
но запамти дека нема да сум вечно.😇Нема да е лесно, но најбитно е никогаш да не се откажеш од своите соништа и да веруваш во себе. Да им веруваш на луѓето без оглед на тоа што многу пати ќе те повредуваат и разочаруваат.
Најбитно од сè е да останеш скромен, да бидеш чесен и секогаш да им помагаш и заштитуваш послабите од тебе и оние на кои им е потребна помош.
Биди ЛОЈАЛЕН, тоа е една од најубавите особини кој една личност може да ја има во својот карактер.🫡Толку многу те сакам што ќе можеш да сфатиш само кога еден ден и самиот ќе станеш татко, а јас дедо, ако даде господ.😊
Среќна 13ка Андреја, дужиш торта.🎂🥳ПС: Вежбај NBA на PlayStation дека уште те мачкам, дрво си!😎😬