Српските медиуми известија дека била фрлена експлозивна направа на домот на Здравко Чолиќ во Белград.
Неговата ќерка Лара била внатре во моментот на експлозијата, но за среќа никој не е повреден.
Како што известува „Блиц“, била предизвикана материјална штета на куќата и автомобил кој бил паркиран во близина.
Откако се рашири веста, се огласи Чолиќ кој во моментов е во Хрватска:
„Се наоѓам во Загреб, каде ја завршувам последната песна за новиот албум. Во Белград сè е во ред, фала му на Бога што сите се добро.
Го разбирам интересот на медиумите, но морам да истакнам дека некои изјави и текстови се протолкувани на начин кој не одговара на вистинската состојба. Мислам дека е важно информациите да се дистрибуираат одговорно и на основа на проверени факти. Истрагата е во тек и го чекаме полицискиот извештај“.
Бомбата била фрлена во 5 часот наутро врз неговиот имот во населбата Дедиње.