Жизел Бундхен е лицето и гласот на H&M. Неодамна шведскиот бренд објави неколку промотивни фотографии со кои ја најави новата сезона, но сега во целост е објавена есенската кампања.
Покрај фотографиите направени на улиците на Лондон, H&M и Жизел снимија и краток филм во кој таа ги покажува и своите гласовни способности. 33-годишната газела од модните писти ја препеа „All Day and All of the Night“ од The Kinks.
За секое преземање на песната на Жизел од iTunes, H&M ќе донира средства во УНИЦЕФ кои ќе бидат искористени за купување на вакцини за деца.
„Многу сум возбудена што сум заштитно лице на H&M оваа есен. Го обожавам изгледот инспириран од уличниот стил, а истовремено ми се допаѓа тоа што ќе собираме средства за УНИЦЕФ. Се надевам дека сите ќе ја преземат мојата песна“ – изјавила таа.