Бред Пит со секси глас и изглед на шармантен заводник се обидува да ги намами жените да станат страсни обожавателки на Chanel N°5. Денес беше објавена видео рекламата на 48-годишниот актер за легендарниот парфем, а исто така и рекламните фотографии за кампањата.
Во видеото, Бред Пит гледа директно во камерата и вели: „Не е патување. Секое патување завршува, но ние продолжуваме. Светот се врти, а ние се вртиме со него. Плановите исчезнуваат. Соништата доаѓаат на нивно место. Но, каде и да одам, ти си таму. Моја среќа, моја судбина, мое богатство.“
Рекламата за Chanel N°5
„Веруваме дека оваа динамична и модерна кампања ќе ги натера луѓето поинаку да размислуваат за N°5“ – изјавил Андреа д’Авак, претседател на „Chanel Fragrance & Beauty“.
Рекламата била режирана од Џо Рајт, додека фотографиите се дело на Сем Тејлор-Вуд.
Бред Пит е првиот маж кој е рекламно лице на легендарниот женски парфем Chanel N°5. Се проценува дека за снимањето на кампањата добил 7 милиони долари.
