Многумина го нарекуваат Џејсон Ли „најкреативниот татко на светот“. Инвентивниот фотограф, кој најчесто овековечува свадби, повремено го врти објективот кон своите две ќерки и создава интересни спомени.
На хумористичен начин Ли ги доловува позначајните настани во животот на неговите ќерки Кристин и Кејла, како и нивните детски игри.
„Повеќето од идеите доаѓаат од девојчињата, додека ги гледам како играат или ги слушам смешните нешта кои ги кажуваат“ – вели Ли.
Џејсон започнал со забавниот проект кога неговата мајка сериозно се разболела од рак во 2006 година. Девојчињата биле постојано настинати и не можеле да одат во посета, па Ли направил блог на кој поставувал интересни фотографии од нив за да ја расположува мајка си. „Го започнав блогот за мајка ми да биде во тек со случувањата во животот на девојчињата и со надеж дека ќе ја расположувам со фотографиите“ – признал Џејсон.
