Кандидатките за титулата „Мис Либан 2015“ ја истакнаа својата убавина во креации на Зухаир Мурад. Популарниот дизајнер издвои десетици фустани за синоќешната манифестација.
Петнаесетте мисици кои стигнаа до самото финале беа облечени во фустани од колекцијата ресорт 2016 на славниот Либанец.
Победничката Валери Чакра блесна во долга сребрена креација со висок шлиц.
23-годишната девојка ја прими круната од минатогодишната добитничка, која носеше розов балски фустан со потпис на Мурад.
И за стилот на водителката на манифестацијата беше задолжен Зухаир, кој беше дел од жирито.
