Ели Сааб донесе волшебна убавина на Париската недела на високата мода. Црвената модна писта беше преплавена со занесни креации кои ја убиваат рамнодушноста.
Бајковитите фустани од колекцијата есен/зима 2013 ги претворија манекенките во вистински самовили. Луксузни бои кои потсетуваа на рубин, сафир и смарагд и нежни бежови и сиви нијанси ги маѓепсуваа погледите на публиката.
Рачно извезените блескави кристали го потенцираа раскошот и софистицираноста на кратки коктел фустани, вечерни тоалети со длабоко V-деколте и асиметричен крој, како и на сјајниот комбинезон со еден ракав.
Невестата на либанскиот дизајнер со спектакуларна креација го означи крајот на впечатливото модно шоу.
Погледнете ја ревијата: