Кога ѕвездите од филмската и музичката сцена чекорат по црвениот тепих, тие знаат дека се наоѓаат точно во центарот на вниманието на сите новинари и публиката, но понекогаш решаваат дека можат да направат и по некој мал испад.
Пред неколку месеци на црвениот тепих Бред Пит ја залепи својата рака на задникот на Анџелина, а сега Расел Бренд го направи истото со неговата сопруга Кети Пери.
На премиерата на неговиот најнов филм „Артур“, 35-годишниот актер не ја сокри својата среќа што Кети е до него, па го зграпчи нејзиниот задник. Кети Пери, која моментално прави пауза од нејзината турнеја, се појави на премиерата во тоалета на Филип Армстронг и не изгледаше многу задоволна од однесувањето на нејзиниот сопруг.
Сепак, тука не заврши „лудувањето“ на Расел. Неколку минути потоа, тој и неговата колешка, 65-годишната Хелен Мирен, ги почестија присутните со страсен бакнеж.
Расел Бренд и Хелен Мирен
„Сигурен сум дека Кети Пери ќе се изнервира поради ова. Ги сакам бакнежите со Хелен. Толку се еротични“ – рекол Бренд.