Ријана ја продлабочи модната соработка со River Island со втора колекција. Колекцијата есен/зима 2013 вклучува парчиња облека во кои лесно можете да ја замислите музичката ѕвезда.
„Буквално дизајнирав сè што сакам да носам, на начин на којшто сакам да го носам“ – вели Ријана во видеото од снимањето на новата кампања.
Уличниот њујоршки стил се покажа како добра инспирација за есенската кампања за која Ријана ги облече манекенките во смели креации со риги, војнички принт и металик отсјај, мрежести долги фустани, спортска долна облека, тесни здолништа, кратки блузи, чизми со врвки и високи „војнички“ чизми.
