Фотографии од восочните фигури на Бијонсе деновиве го обиколија светот. Скулптурите направени од восок во повеќе од музеите „Мадам Тисо“ низ светот, воопшто не наликуваат на музичката ѕвезда.
Многумина коментираа дека фигурите повеќе потсетуваат на Мараја Кери, Бритни Спирс, па дури и Линдзи Лохан, отколку на славната сопруга на Џеј Зи и се прашуваат дали креаторите на фигурите знаат како изгледа Бијонсе и каква е бојата на нејзината кожа.
Во однос на коментарите за бојата на кожата од реномираниот музеј изјавија: „Во Мадам Тисо, нашиот талентиран тим од скулптори прават секакви напори за да се осигураат дека правилно ќе ја доловиме бојата на кожата на сите наши восочни фигури од славните личности кои се прикажани.“
„Осветлувањето во комбинација со фотографирањето со блиц може да ја наруши или погрешно да ја прикаже бојата на нашите восочни фигури, што е невозможно нашите скулптори да го предвидат во фазата на изработка.“
