Војвотката Кетрин блескаше под силното австралиско сонце по пристигнувањето во Сиднеј заедно со принцот Вилијам и малиот принц Џорџ.
Избирајќи креација на српската дизајнерка Роксанда Илинчиќ, Кетрин ги привлече комплиментите на бројните обожаватели кои го направија пречекот потопол.
Жолтиот фустан со бели акценти е дел од колекцијата пролет/лето 2014 на креаторката Илинчиќ која е родена во Белград, а долги години живее во Лондон.
Слаткиот принц Џорџ по пристигнувањето беше заедно со своите родители, но подоцна тие го предадоа во рацете на дадилката, за сами да продолжат кон Сиднејската опера.
Младото кралско семејство денес ја започна официјалната десетдневна посета на Австралија. Претходно Кетрин, Вилијам и малиот Џорџ го посетија Нов Зеланд.