ФОТО: Војвотката Кетрин елегантна покрај принцовите на детска забава во Бакингемската палата

Војвотката Кетрин и принцовите Вилијам и Хари викендов организираа забава во Бакингемската палата за специјална група деца чии родители загинале додека биле дел од британските вооружени сили.

Кетрин шармираше во светло жолт фустан од брендот Chloé и сиви обувки од Monsoon. Својот стилски избор, 35-годишната припадничка на британското кралско семејство го финишираше со колан од Acne Studios и обетки од Kiki McDonough.

За време на забавата, тројцата кралски претставници разговараа и се забавуваа со децата кои присуствуваа на настанот и им се заблагодарија на сите за направените жртви.

„Денешниот ден беше организиран во ваша чест. Тука сме за да ве потсетиме дека ние како семејство, и општо како нација, никогаш нема да ги заборавиме вашите жртви. Сакавме да ви дадеме можност да слушнете дека сте дел од, за жал, голема група фантастични луѓе. Ние тројцата и целото наше семејство ви се заблагодарува премногу за сè што направивте“ – рече Хари за време на настанот.

Истиот фустан Кејт го носеше и минатата година, за време на детска забава при официјалната посета на Канада.