Викторија Бекам претстави капсулна колекција за луксузната онлајн продавница MyTheresa. Едноставна елеганција доминира кај моделите кои ќе го уловат погледот на дамите што обожаваат богати текстури и минималистички дизајн.
„Кога дизајнирам чанта, сè се врти околу тоа да дизајнирам нешто навистина луксузно“ – изјавила Бекам за „Вог“.
Зголемувајќи ја динамиката на колекцијата, Викторија ги занемари омилените неутрални нијанси и покрај белата и црната боја, се насочи и кон ведрата циклама.
Бекам за неколку години успеа да изгради голема модна империја и да влезе во тесниот круг на највлијателни дизајнери. Пред неколку дена таа одржа презентација на својата колекција пролет/лето 2014 во продавницата на MyTheresa во Минхен.
