Викторија Бекам и Мајли Сајрус се закитија со „Бамби“ статуетки во Берлин. 39-годишната дизајнерка беше наградена на манифестацијата Bambi Awards за својот придонес во светот на модата.
На црвениот тепих Викторија зачекори во долг црн фустан со длабоко деколте кој е нејзина креација. Елегантниот изглед таа го надополни со блескав смарагден накит од Chopard.
Мајли Сајрус привлекуваше погледи со неочекуван моден избор. Во последниве месеци младата пејачка постојано е критикувана и озборувана поради разголувањето, па долгиот широк фустан со долги ракави беше модно изненадување.
20-годишната музичка ѕвезда, која ја доби наградата „International Pop“, на црвениот тепих носеше црн винтиџ фустан од Жан Пол Готје.
За време на манифестацијата таа настапи со хитот „Wrecking Ball“ во неонска креација од The Blonds.
