Мејкап артистката на Анџелина Џоли направи почетничка грешка која беше овековечена од фото-репортерите.
Џоли и Бред Пит беа фотографирани на њујоршката премиера на „The Normal Heart“, а на фотографиите делови од лицето на славната актерка се прекриени со бела пудра.
Станува збор за специјална HD пудра која станува видлива само кога ќе светнат блицовите на фотоапаратите. Па, нејзините стилисти и нејзиниот згоден придружник не можеа да ја забележат грешката.
Очигледно шминкерката на Џоли подзаборавила една од основните лекции за умерено нанесување и беспрекорно разнесување на пудрата со цел постигнување на совршена шминка за црвениот тепих.
Ова не е првпат славна дама да го има истиот мејкап проблем. Ева Лонгорија, Дру Баримор, Никол Кидман и Ума Турман се само дел од ѕвездите кои се појавиле на свечен настан со премногу бела пудра.
