Зухаир Мурад ги заведува дамите со грациозни креации со сексапилни силуети и беспрекорно изработени детали. Кога неговата визија за женственост и софистицираност е преточена во форма на невестински фустани, резултатот е неповторлив рај за очите.
Талентираниот либански креатор и за сезоната пролет/лето 2013 претстави колекција венчаници кои мамат воздишки од секоја девојка која сака да изгледа како принцеза на свадбениот ден. Играјќи си со волуменот, Мурад направи спој на раскошни материјали како чипка и тул, сатенски панделки, извезени детали, цветни апликации и блескави камења, кој плени со комплексноста.
