Зухаир Мурад со секоја нова колекција ги фасцинира дамите кои копнеат да ја истакнат својата женствена страна со гламурозна облека. Сосема очекувано, неговата соработка со брендот „Rosa Clara“ како магнет привлече многу обожавателки со растреперени срца. Малата колекција фустани се состои од 8 вечерни тоалети и 8 венчаници.
Во свечените фустани може да се насети шармот на стариот Холивуд, но и современиот раскош со кој се карактеризираат модните дела на Мурад.
Софистикација пренесена во форма на невестински фустани – така може да се опише колекцијата венчаници на Зухаир Мурад за „Rosa Clara“. Уникатните волуменозни креации се елегантен спој на чипка, тул, извезени воочливи детали и префинети материјали.
