Модниот месец започна во Њујорк и привлече огромна толпа верни следбеници на модните збиднувања. Но освен кон пистите, фотоапаратите беа насочени и кон улиците, каде стилистки, уреднички, блогерки, модели и критичари го покажуваа најдоброто од својот стил.
Ниските температури во Њујорк принудија голем дел од дамите да изберат топли и слоевити комбинации и да се заштитат од студениот воздух со волуменозни бунди, впечатливи палта, елегантни шешири и шубари, високи чизми и ракавици. Од друга страна беа дамите кои не дозволија студот да им ги промени планираните модни комбинации, па можеа да се забележат и сандали и куси здолништа.
На фотографиите ќе забележите повеќе славни лица како Ана Винтур, Мирослава Дума, Оливија Палермо, Кијара Ферањи и Џована Батаља.
