Кики Мукаетова со игриви хитови од Кире Костов ја забавуваше публиката на концерт во Битола.
Младата артистка ги отпеа „Перон три“ и „Штом се сака“ кои ги потпишува познатиот македонски композитор, инструменталист и диригент.
На сцената во Градот на конзулите, Кики шармираше во црна комбинација со широки панталони со висок струк и топ со перјести ракави. Динамична комбинација од накит од Chapter 03 додаде суптилен гламур во нејзиниот изглед.
Музичкиот настан го означува почетокот на новиот проект „Летај галебе“, чиј иницијатор е Кармен, сопругата на Кире Костов.
