Тејлор Свифт изгледаше како модерна принцеза на црвениот тепих пред доделувањето на CMA (Country Music Association) наградите.
23-годишната музичка ѕвезда се појави во црвена креација на Ели Сааб од колекцијата висока мода есен/зима 2013.
Нежниот и гламурозен накит од Лорејн Шварц на суптилен начин го надополни целосниот изглед на младата пејачка, чиј албум „Red“ беше еден од најпродаваните минатата година.
На свечената манифестација Свифт беше почестена со престижна награда која им се доделува на изведувачи кои им ја доближиле кантри музиката на светската публика. Претходно истата награда ја има добиено само кантри легендата Гарт Брукс во 2005 година.
Успешната музичка кариера очигледно не е доволна за Тејлор, која веќе го снима новиот филм „The Giver“ со Мерил Стрип, Џеф Бриџис и Александар Скарсгард.