Ијан Сомерхалдер и Ники Рид не успеаја да го сокријат свршеничкиот прстен од будното „око“ на папараците.
Холивудскиот пар бил фотографиран во Атланта, а она што најмногу им го привлекло вниманието на фановите бил големиот дијамантски прстен на раката на Рид.
Ијан и Ники се во врска од јули минатата година. Пред неколку недели, 26-годишната актерка ја потврди веста за свршувачката, коментирајќи: „Тој е прекрасен и однатре и однадвор! Веројатно тој е најпрекрасниот маж кој чекорел на земјата, лудо е. Многу сум среќна, го сакам.“
36-годишниот актер претходно беше во долга врска со својата колешка од „The Vampire Diaries“ Нина Добрев. Пред врската со Ијан, Ники беше во брак со музичарот Пол МекДоналд. Таа поднесе документи за развод во мај минатата година.
