Во светот има околу 10 ледени хотели, но оригиналниот хотел од мраз се наоѓа во Северна Шведска. Хотелот со бајковит изглед за првпат бил изграден пред 23 години и оттогаш секоја година од декември до април „никнува“ во ново и поинтересно издание.
Хотелот „Icehotel“ е изграден на површина од 5.500m2, а при неговото градење биле искористени 2.000 тони мраз и 3.000 тони микс од снег и мраз.
Секоја година, уметници од целиот свет го посетуваат хотелот со цел да го покажат својот талент декорирајќи ги собите и создавајќи скулптури од мраз.
За гостите, посетата на хотелот е уникатно, но смрзнувачко доживување. Храбрите имаат можност да спијат на кревети од мраз покриени со кожи од ирваси, можат да пијат во леден бар, а ако посакаат, можат и да стапат во брак во ледената капела.
