ФОТО: Шведскиот леден хотел, уникатно доживување кое може да се искуси во текот на целата година

Шведскиот леден хотел повторно ги отвори вратите за посетители, но овој пат тие нема да се затворат. Уникатниот леден објект започнува да работи 365 дена во годината.

„Icehotel 365“ се состои од 20 апартмани во кои гостите имаат можност да спијат на кревети од мраз на температура од -5 °C. Во текот на летните месеци, температурата ќе се одржува под нулата со помош на нова технологија за ладење.

Повеќе од 40 артисти, дизајнери и архитекти од девет различни држави беа ангажирани за создавањето на објектот.

Досега „Icehotel“ работеше само во текот на зимата, се топеше во текот на април, а потоа се градеше наново. Сега, само еден дел од него ќе се топи, додека другиот ќе функционира постојано. Ова е 27. преобразба на хотелот.