Познатиот моден бренд Rosa Clara освен што креира екстремно елегантни венчаници за илјадници невести од цел свет, нуди и богата колекција вечерна облека за гостите на свадбените свечености.
Најновата колекција вечерни фустани е како вистински ковчег со богатство. Преовладуваат блескави бои на скапоцени камења и уште повеќе го засилуваат гламурозниот ефект со кој се карактеризира колекцијата.
Како вистински модни божици, манекенките Барбара Палвин и Сара Сампајо со женствени пози ги презентираат префинетите фустани. Слоевитите и волуменозни здолништа, коланите изработени од сјајни камчиња и мониста и елегантните ткаенини заедно оформуваат хармонична целина која шармира на прв поглед.
