Свадбата на Ана Беатриз Барос и Карим Ел Чиати привлече огромно внимание. Убавиот модел и египетскиот бизнисмен со луксузни прослави на Миконос го означија почетокот на брачниот живот.
Една недела по свеченостите на кои присуствуваа многу славни лица, „Vogue“ и „The Knot“ објавија официјални фотографии од свадбениот албум на младенците.
34-годишната невеста се омажи во фустан од модната куќа Valentino. За изборот на венчаница, таа изјавила: „Сакав фустан кој е елегантен и безвременски – кој ќе биде во стил дури и по 20 години. Нашата свадба се одржа надвор покрај вода, па сакав нешто што ќе биде развеано и лесно и ќе биде складно со релаксираните, рустички декорации на свадбата. Еден од првите мои ангажмани како модел беше за Валентино, а и ми се допаѓаат деталите од чипка кои тој ти прави за невестинските фустани.“
Сите 10 деверуши на Барос, меѓу кои беа моделите Алесандра Амбросио, Фернанда Мота и Изабели Фонтана, носеа фустани во нежни розови нијанси.
Младенците често уживале на Миконос и затоа го избрале овој грчки остров за својата венчавка. „Навистина ја сакаме енергијата на островот во текот на летните месеци. Не можевме да си замислиме подобро време или место, бидејќи токму таму имаме создадено многу спомени и сакавме да ја продолжиме таа традиција. Ни се допаѓа оној бохо шик, релаксирана, а сепак софистицирана атмосфера, па решивме да се венчаме на плажа со Егејското Море во позадина“ – објаснила Ана Беатриз во интервју за „Vogue“.
Во текот на вечерта, Барос се пресоблече во уникатен фустан од Питер Дандас.
Славењето продолжи и следниот ден со втора забава. На егзотичната свеченост, инспирирана од Бразил, сите гости беа облечени во бело, освен невестата која блесна во впечатлива креација од Наим Кан.
