Сега и жените можат да носат кондоми, но во формата на модерен фустан. Виетнамскиот студент по дизајн Нгуен Мин Туан како дел од својата дипломска работа „Breaking the condom taboo“ изработил фустан од кондоми.
Фустанот е наречен „Condom Glow Fashion“ и е направен од 700 кондома. Туан изјавил дека го направил фустанот по повод Светскиот ден на борбата против сидата (1 декември). Тој решил да реализира ваков проект поради критичкото однесување на Виетнамците кон сексот и употребата на кондоми. Проектот има за цел ја подигне свеста на неговите сограѓани за важноста на користењето на заштита при секс. „Сакам луѓето да знаат дека функцијата на кондомот е да го заштитува здравјето“ – изјавил тој.
Манекенката која го презентирала фустанот, Квин Транг, изјавила дека е овој проект е многу важен. „Ова е многу креативна идеја. Многу е поучна за младите и за цело општество. Горда сум што сум дел од ваква значајна кампања“ – рекла таа.
Дизајнот на фустанот е модерен и кога се гледа оддалеку воопшто не се познава дека е изработен од „контрацептивен“ материјал. Туан веќе добил многу пофалби во модниот свет за дизајнот и креативноста.