Со право мажите би го опишале шоуто на Victoria’s Secret како рај на Земјата. Вчерашниот спектакл на познатиот бренд за долна облека ги однесе посетителите во светот на фантазиите.
Прекрасните ангели прошетаа по модната писта во феноменални креации и измамија воздишки и аплаузи од публиката.
Темата на спектакуларната ревија беше „Ноќта на илјада фантазии“ и беше поделена на 6 различни дела.
Шоуто започна со делот наречен „Tough Love“ кој може да се опише како рокерски, тежок, секси и силен, а продолжи со спортскиот „Game On“ и романтичниот и женствен дел именуван како „Country Girls“.
Потоа следуваше „Heavenly Bodies“, кој дефинитивно беше најгламурозниот и најдраматичниот дел на ноќта. Нареден дел беше „Wild Things“, инспириран од елементи карактеристични за џунгла, сафари и племиња.
Фантастичната ревија заврши со колоритниот младешки дел „Pink Planet“, кој беше исклучително забавен.
Прва на пистата зачекори Адријана Лима, која само пред 12 месеци ја роди својата прва ќерка Валентина.
„Да се вратам во форма за модното шоу не беше лесно за мене. Работев многу напорно“ – изјавила Адријана и признала дека вежбала секој ден без пауза. Адријана ја имаше и честа да го носи градникот од фантазиите кој чини неверојатни 2 милиони долари. Блескавиот Bombshell Fantasy Bra е изработен од 3000 бели дијаманти, светло сини сафири и овални топази, а е дизајниран од Дамиани.
Погледнете како Алесандра Амбросио, Адријана Лима, Селита Ибенкс, Изабел Гоуларт, Шанел Иман, Кендис Сванапул, Каролина Куркова, Џесика Стем, Роузи Хантингтон Витли заедно со своите колешки ангели ги презентираа неповторливите креации на VS.
Шоуто на Victoria’s Secret 2010 – видео
На сцената недостигаа Доуцен Крос и Миранда Кер. И двете се бремени за прв пат.
За музичкиот дел на гламурозното шоу беше задолжена Кети Пери, а на сцената настапи и Ејкон со песната „Angel“.
Кети Пери ги испеа нејзините хитови „Firework“, „Teenage Dream“, „Hot N Cold“ и „California Gurls“. Огромен впечаток остави нејзината забавна облека дизајнирана од познатиот Тод Томас. Кети блескаше на сцената како и останатите ангели.
Кети Пери, Ејкон и моделите на VS
Во публиката се најдоа Џерард Батлер, Наташа Бедингфилд, сестрите Парис и Ники Хилтон, Тајсон Бекфорд и членови на бендот Maroon 5.
Дефинитивно VS и оваа година направи спектакл кој ги оправда очекувањата на обожавателите и шоу кое долго ќе се памети.