Зухаир Мурад нуди елегантни модни предлози за клиентките со длабок џеб кои патуваат на топли дестинации за време на зимските месеци. Колекцијата „ресорт“ 2014 претставува софистициран микс на гламурозни и поедноставни креации.
Од една страна стојат долгите блескави фустани за свечени настани, а од друга, привлекуваат дамските креации за дневен изглед.
Ресорт колекциите најчесто содржат „кежуал“ елемент, кој Мурад вешто го вметна во дел од облеката. Колекцијата ресорт 2014 ќе биде пречекана со раширени раце од дамите кои новогодишните и божиќните празници ќе ги поминат на егзотични локации.
Софија Вергара, Кендис Сванапул и Лили Колинс веќе ги имаат пронајдено своите фаворити во колекцијата.
