ФОТО: Софија Вергара во фустан од Зухаир Мурад покрај сопругот Џо Манганиело на SAG Awards

Софија Вергара буквално блесна на црвениот тепих на доделувањето SAG (Screen Actors Guild) наградите во Лос Анџелес.

44-годишната актерка шармираше покрај својот сопруг во креација од колекцијата пролет 2017 на Зухаир Мурад, која ја надополни со сандали од Шарлот Олимпија, накит од Лорејн Шварц и чанта од брендот Vivier. Џо Манганиело носеше костум од модната куќа Ermenegildo Zegna.

„Се чувствувам како балерина, стара, но балерина“ – се пошегува Вергара пред новинарите.

Парот изгледаше среќно и заљубено додека позираше на црвениот тепих и за време на манифестацијата.

Вергара и Манганиело се заедно од јули 2014 година, а во ноември 2015 година стапија во брак.