Софија Вергара и Џо Манганиело вчера си го кажаа судбоносното „да“ на свечена церемонија во Флорида. Невестата блескаше во венчаница од дизајнерот Зухаир Мурад и накит од Лорејн Шварц.
43-годишната актерка и 38-годишниот актер го избраа ресортот „The Breakers“ во Палм Бич, Флорида за свадбената прослава. Убавата невеста до олтарот ја испрати нејзиниот 23-годишен син Маноло.
Венчаницата, која беше специјално создадена за Вергара од врвниот либански дизајнер, вклучуваше 5 килограми пулејки, 3 килограми бисери и 350 кристали, а за изработката биле ангажирани 32 лица, кои работеле вкупно 1.657 часа. „Сакав Софија да изгледа феноменално на свадбениот ден и да ја потенцирам нејзината форма на песочен часовник и да ги оцртам нејзините познати облини“ – рекол Мурад за People.
Софија уште во септември изјави дека сака да изгледа секси на својот свадбен ден, а тоа и го постигна. „Сакам да изгледам секси. Сакам да изгледам прекрасно. Сакам да изгледам убаво и да носам нешто што знам дека ќе изгледа добро на фотографиите“ – рекла Вергара за People.
Погледнете видео од првиот танц на среќниот холивудски пар:
Видео
На свадбата на Вергара и Манганиело присуствуваа редица холивудски ѕвезди меѓу кои Рис Витерспун, Ченинг Тејтум и неговата сопруга Џена Деван, како и актерите од хит-серијата „Modern Family“.
Славната Колумбијка и нејзиниот избраник започнале да слават со семејството еден ден пред свадбата. Џо ѝ ја отпеа на Софија „Sweet Child O’Mine“, а краток дел беше објавен на Instagram.
Софија и Џо се свршија во декември минатата година.
