Скарлет Јохансон е девојката од корицата на мајското издание на Marie Claire. Сексапилната актерка за насловната страница позираше во фустан од Долче и Габана со цветни апликации и чипка.
Во интервју за списанието, Јохансон зборувала за разводот од Рајан Рејнолдс во 2010 година. „Па, не беше многу одамна. Но, имав прилично доволно време да го анализирам искуството и да продолжам напред. Како што стареам, продолжувам да се запознавам подобро себеси, а тоа ми помага во моите врски“ – изјавила таа.
Кога била запрашана кој е нејзиниот став за социјалните мрежи, Скарлет одговорила: „Сето тоа ме полудува. Не ја разбирам потребата од споделување. Речиси се експлоатираме себеси за да се чувствуваме видени.“
На фотографиите 28-годишната ѕвезда носи креации од модни куќи како Miu Miu и Џамбатиста Вали.
