За Шерон Стоун возраста е само бројка. 55-годишната актерка изгледа прекрасно и вели дека ги сака несовршеностите кои ги носи стареењето.
Фотографиите за списанието „New You“ се доказ дека Стоун не изгубила од сексапилот, зачувувајќи ја природната убавина.
Иако многу холивудски актерки се обидуваат да го одржат младешкиот изглед со помош на пластичната хирургија, Стоун вели дека нејзиното лице никогаш не се нашло под нож и покрај тоа што притисокот да си направи фејслифт бил огромен. Различни хирурзи ѝ нуделе хируршко разубавување и еднаш речиси немало да успее да му одолее на искушението.
„Не можам да ви кажам колку многу доктори се обиделе да ми продадат фејслифт. Стигнав до момент кога еден ме наговори, но кога отидов и видов фотографии од себе, си помислив: Што ли ќе „подигнуваат“? Да, бев блиску, но, искрено, сметам дека во уметноста на стареењето на добар начин има сексуалност во тоа да ги имаш тие несовршености. Сензуално е“ – изјавила таа.
Кога станува збор за сексуалниот живот, Шерон вели: „Како жени ние ги разбираме нашите тела и има расцветување кое настанува (со сексот). Ние сме гладни за гурмански оброци, наместо за брза храна.“
Привлечната Стоун деновиве го промовира својот нов филм „Lovelace“ со Аманда Сејфрид во главната улога.
На прикажувањето на филмот во Њујорк, Шерон ги шармираше присутните облечена во бел фустан.
