Шерил Кол ја објави својата втора колекција обувки. 28-годишната пејачка повторно соработуваше со Stylistpick за го преточи својот дизајнерски талент во атрактивна колекција којашто ќе биде прифатена од обожавателките на нејзиниот стил.
Меѓу новите модели можат да се најдат колор-блок сандали во стилот на 70-тите години, сандали со полни високи потпетици тип полумесечина и елегантни чизмички до глуждови во неутрални бои.
Шерил објави неколку промотивни фотографии, но обувки од новата колекција беа вклучени и во нејзиниот едиторијал за списанието Marie Claire.
Освен што се занимава со дизајнирање, Шерил Кол продолжува да е активна и на музичката сцена. Во моментов привлечната пејачка го снима спотот за нејзиниот нов сингл „Call My Name“.