За Селма Хајек годините се само најобична цифра. Убавата Мексиканка блеска и во 47-мата година од животот, а доказ за тоа се фотографиите од новото издание на „New Beauty“.
„Жените стануваат посамоуверени во однос на изгледот со текот на годините. И така треба да биде тоа. Среќата и убавината живеат внатре во тебе“ – вели таа.
Во интервју за списанието, филмската ѕвезда признала дека никогаш не ја занемарува грижата за својата кожа и дека никогаш не си легнува да спие без да го исчисти темелно лицето. Сепак, таа најмногу се потпира на традиционалната нега и строго ги избегнува агресивните козметички третмани како хемиски пилинзи и микродермоабразија.
Кога станува збор за работата, Хајек е категорична дека семејството секогаш е на прво место. „Моето правило е да не бидам подалеку од Валентина подолго од една седмица“ – рекла таа.