Невестинскиот фустан се асоцира со белата боја. Но, кога е во прашање Вера Ванг, сите бои се во игра. Откако во минатото изненади со црни и црвени венчаници, сега кралицата на невестинските фустани се насочи кон розовата боја.
За време на Невестинската недела во Њујорк, 64-годишната креаторка презентираше романтична колекција во розови и корални нијанси. Инспирирана од филмови како „Funny Face“ и „Gentlemen Prefer Blondes“, Ванг дизајнираше колекција со традиционални силуети, создадени со слоевито редење на нежни материјали и впечатливи цветни апликации.
