Воден од фактот дека секоја дама сака да биде уникатна и да оддава грациозност и женственост, Зијад Накад претстави колекција која ќе ги освои и најпребирливите.
Од префинетите креации од неговата колекција висока мода пролет/лето 2014 блика раскош и дискретна екстравагантност. Поради комплексноста и транспарентноста на деликатните материјали, вечерните тоалети инстантно го маѓепсуваат погледот.
Либанскиот дизајнер уште еднаш ја докажа својата максимална посветеност на деталите, го истакна стремежот кон перфекционизам и ја потенцира својата љубов кон елегантната женска силуета.
