Синди Крафорд доволно се има докажано во светот на модата како манекенка и заслужено го носи статусот супермодел. Но, 46-годишната убавица сега ќе се пробива и како дизајнерка.
Нејзината прва колекција е веќе објавена. За есенската колекција Синди соработувала со C&A, интернационален ланец бутици. „Отсекогаш сум сонувала за тоа да имам своја модна линија и пресреќна сум што ќе започнам партнерство со C&A за оваа авантура. За мене важно е да се здружам со компанија која нуди мода за да се чувствуваш подобро... Мојата цел е да помогнам во дизајнирањето на комфорна секојдневна мода“ – изјавила Синди за Вог.
Лежерната колекција е инспирирана од стилот на Синди и вклучува блузи, џемперчиња, кошули, тесни фармерки и кожени јакни кои можат да се вклопат во сечиј стил.
