Холивудската актерка Ева Мендес се здружи со модниот бренд New York & Company за да ги покаже своите дизајнерски способности.
39-годишната убавица ја објави првата колекција инспирирана од нејзиниот личен стил и стајлингот за свечените појавувања на црвениот тепих.
Колекцијата вклучува коктел фустани со А-линија, тесни здолништа со висок струк, кежуал панталони со животински принт, кошули и блузи за посериозен изглед и впечатлив накит.
Мендес присуствуваше и на официјалното пуштање на колекцијата во продажба во Њујорк, каде се појави во црно-бела комбинација од колекцијата.
