Кендис Сванапул доминира на страниците на јануарското издание на Вог Бразил. Атрактивната манекенка е ѕвезда во три едиторијали зад кои стојат фотографите Мариано Виванко, Жак Декекер и Зи Нунес.
На една од фотографиите од едиторијалот „Пред зајдисонце“, 25-годишната убавица од Јужна Африка позира гола, а на главата има само крпа Долче и Габана.
Во интервјуто за модното списание, Кендис открила дека никогаш не прави вежби за стомачни мускули. „Никогаш не правам вежби за стомачни, од нив ми се лоши“ – рекла таа и дополнила дека нејзиниот стомак се зацврстува додека боксува и додека прави вежби кои ги таргетираат другите делови од телото.
Кендис споделила и пет совети за рамен стомак: „Јадете повеќе протеини; не пијте алкохол; пронајдете активност во која ќе уживате и практикувајте ја почесто; на секоја активност гледајте како на можност за вежбање (додека готвите, стегајте ги мускулите); смејте се, бидејќи и смеењето е вежба за стомакот.“
