Кендра Спирс е принцезата во модната индустрија. 26-годишната убавица, која минатата година стапи во брак со принцот Рахим Ага Кан и го доби името принцеза Салва, е ѕвезда во новиот едиторијал на списанието „W“.
Облечена во креации од високата мода, Спирс позираше во простории со модерен и артистички ентериер.
На фотографиите кои ги потпишуваат Инез и Винуд, Кендра е облечена во елегантен црвен фустан со волуменозно болеро од Џорџо Армани, бел балски фустан од Диор, бела креација со впечатлива декорација од Шанел, сексапилен фустан од Версаче и црно-бел асиметричен фустан од Жан Пол Готје.
