Кендра Спирс е вистинска принцеза, но не се откажува од својата кариера како модел. 25-годишната бринета, која минатата година се омажи за принцот Рахим Ага Кан и го доби името Салва, ја продолжи модната соработка со брендот „Next“.
Како заштитно лице на британската компанија, убавата Спирс ја претстави колекцијата пролет/лето 2014. На фотографиите таа позира во лесна облека наменета за топлите месеци низ која најдоминантни се нежните розови нијанси и цветниот принт, но и во вечерни фустани за поспецијални прилики.
Кендра е ѕвездата и од мајскиот моден каталог на „Express“.
Свадбата на Кендра и принцот Рахим Ага Кан се одржа на 31 август минатата година.
Кендра со сопругот Рахим на свадбениот ден
