National Geographic Traveler е натпревар во кој учествуваат професионални фотографи и аматери и ги споделуваат своите највпечатливи фотографии направени од секое ќоше на Земјата.
На натпреварот, кој се одржува 27-ма година по ред, првото место го доби црно-бела фотографија од огромен кит со своето новороденче и неколку нуркачи-фотографи околу нив. Победничката фотографија била направена во Мексико.
„Фотографијата не беше планирана. Јас правев фотографии во близина на главата на китот и наеднаш тој започна да плива кон останатите од нуркачкиот тим. Нуркачите им направија простор на китот и новороденчето, а јас само го притиснав копчето кога мислев дека композицијата е добра“ – изјавил Енуар Паџине Флориек, чие дело е фотографијата од несекојдневната глетка.
Од речиси 18.000 пријавени фотографии, добитник на втората награда е фотографијата од тројца работници кои ѕиркаат преку прозорец прекриен со прашина и песок. Оваа фотографија била направена во Бангладеш.
На фотографијата која ја освои третата награда е прикажана адреналинска трка со камили.
Погледнете ги и останатите седум фотографии кои освоија награди.
