Вчера Лондон собра на едно место голем број британски и интернационални ѕвезди од музичката индустрија.
Манифестацијата за доделување на британските музички награди беше повод на една сцена да се појават Take That, JLS, Шерил Кол, Arcade Fire, Ријана, Си Ло Грин и Џастин Бибер.
По освојувањето на Греми, бендот Arcade Fire продолжи да собира награди. Овој пат ги доби наградите за Најдобра интернационална група и Најдобар интернационален албум.
Arcade Fire
Ријана, која блесна и на црвениот тепих и на сцената, ја доби наградата за Најдобра интернационална пејачка, а за Најдобар интернационален пејач беше прогласен Си Ло Грин.
Џастин Бибер ја прими наградата за Најдобар интернационален дебитант од Аврил Лавињ
Ријана ја доби наградата за Најдобра интернационална пејачка од Шерил Кол
Популарниот бенд Take That успеа да ја присвои наградата за Најдобра британска група, а 27-годишниот рапер План Б беше прогласен за Најдобар британски пејач.
Take That
Листа на победниците:
- Најдобар британски пејач – План Б;
- Најдобра британска пејачка – Лора Марлинг;
- Најдобар британски дебитант – Тини Темпа;
- Најдобар британски албум - „Sigh No More“ од Mumford & Sons;
- Најдобра британска група – Take That;
- Најдобар британски сингл – „Pass Out“ од Тини Темпа;
- Најдобар интернационален пејач – Си Ло Грин;
- Најдобра интернационална пејачка – Ријана;
- Најдобар интернационален дебитант – Џастин Бибер;
- Најдобра интернационална група – Arcade Fire;
- Најдобар интернационален албум - „The Suburbs“ од Arcade Fire.